Na John Mapepele
Wasaniii mbalimbali leo Aprili 2, 2022 wakiongozwa na Bendi iliyowaunganisha wanamuziki kutoka Chama cha Muziki wa Dansi nchini (CHAMUDATA) wamepamba usiku wa utoaji wa tuzo hizo.
Wanamuziki hao nguli wamepanda jukwaani mara baada ya tuzo za heshima kutolewa.
Mbali na Bendi hiyo kikundi cha wasanii chipukizi na wanamuziki nguli kadhaa wameburudisha katika tukio la leo ambapo jumla ya tuzo 51 zinatolewa.
Akitoa hotuba yake Waziri wa Utamaduni, Sanaa na Michezo. Mhe, Mohamed Mchengerwa amelitaka BASATA kuwaunganisha wasanii na kusaidia wasanii wasiibiwe kazi zao huku akiitaka COSOTA kuwa kuwasajili na kuwasaidia wasanii kupata mirabaha yao kwa kazi zao zinazotumika ndani na nje ya nchi.
Tuzo za leo zimevuta hisia kubwa kwa wapenzi wa muziki kutokana na ukweli kuwa Serikali imezifufua baada ya kutokuwepo kwa zaidi ya miaka sita.
Shughuli hii imehudhuriwa pia na Naibu Waziri. Mhe Pauline Gekul, Katibu Mkuu.Dkt Hassan Abbasi na wadau mbalimbali wa sanaa