Katibu Mkuu Wizara ya Kilimo Bw.Gerald Kusaya (kulia) akimkabidhi mfano wa funguo kwa mkulima Juma Mpina toka Kisesa Magu ikiwa ni mkopo uliotolewa na Mfuko wa Pembejeo (AGITF) .Trekta hilo lina thamani ya shilingi Milioni 60.
Katibu Mkuu Wizara ya Kilimo Bw.Gerald Kusaya akiwasha moja ya trekta lililokabidhiwa kwa wakulima wakati wa hafla fupi ya kukabidhi mkopo ya pembejeo leo kwenye viwanja vya Nanenane Nyakabidhi mkkoani Simiyu leo.Jumla ya matrekta mawili yenye thamani ya shilingi milioni 120 yametolewa na Mfuko wa Pembejeo kwa wakulima wawili toka wilaya ya Meatu.
Katibu Mkuu Wizara ya Kilimo Bw.Gerald Kusaya ( katikati aliyevaa suti ya blu) akiwa kwenye picha ya pamoja na watumishi wa Mfuko wa Pembejeo ( AGITF ) leo kwenye viwanja vya Nyakabindi Simiyu.
Katibu Mkuu Wizara ya Kilimo Bw.Gerald Kusaya (kulia) akisoma mzani unaotumika kupimia pamba ya wakulima wakati alipotembelea banda la Ihumilo AMCOS ya Bariadi kwenye viwanja vya Nayakabindi leo.
Katibu Mkuu Wizara ya Kilmo Bw.Gerald Kusaya (kushoto) akiongea na watumishi wa Shirika la Ukaguzi na Usimamizi wa Vyama vya Ushirika (COASCO) alipotembelea banda lao kwenye viwanja vya Nyakabindi Simiyu.
Serikali ya Awamu ya Tano imetumia shilingi Bilioni 15 kwa ajili mikopo ya pembejeo kwa wakulima tangu ilipoingia madarakani mwaka 2015.
Kauli hiyo imetolewa leo (08.08.2020) na Katibu Mkuu wizara ya Kilimo Gerald Kusaya kwenye viwanja vya maonesho ya Nanenane Nyakabindi mkoani Simiyu wakati akikabidhi matrekta mawili kwa wakulima wa wilaya Meatu
“ Rais Dkt.John Pombe Magufuli amekwisha toa zaidi ya shilingi Bilioni 15 kwa ajili ya mikopo ya pembejeo kwa wakulima tangu alipoingia madarakani iliyosaidia kukuza sekta ya kilimo kwa kuongeza matumizi ya zana bora za kilimo” alisema Kusaya
Kusaya aliongeza kusema kuwa Wizara ya Kilimo kupitia Mfuko wa Pembejeo (AGITF) umekwisha toa jumla ya mikopo 314 wakulima na kuchangia upatikanaji wa ajira 364 kwenye viwanda vitatu vya kuchakata mbegu za mafuta nchini.
Katika hafla hiyo, wakulima wawili Juma Mpina toka Kisesa Magu na Pius Machungwa toka Meatu walikabidhiwa matrekta mawili kila moja likiwa na thamani ya shilingi milioni 60 ikiwa ni mkopo toka AGITF.
“Leo nimekabidhi matrekta mawili kwa wakulima hawa, nitumie fursa hii kuwahamasisha wakulima kuja Wizara ya Kilimo kupata mikopo kwa mtu mmoja moja au kikundi kwa riba ya kati ya asilimia 6 hadi 7 katika kipindi cha miaka miwili” alisisitiza Katibu Mkuu.
Mfuko wa Pembejeo hutoa asilimia 90 ya fedha zinazohitajika kwenye mkopo wa trekta na mkulima anatoa asilimia 10 inayotakiwa ambapo lengo la serikali ni kuwezesha wakulima wengi kupata pembejeo bora na zenye gharama nafuu ili kukuza uzalishaji wa mazao ya Kilimo,Mifugo na