************************
Mwanzilishi na mratibu wa tuzo maarufu duniani za Oscar Signature awards Dkt. Fasi Kurram amefanya ziara ya siku mbili katika eneo la hifadhi ya Ngorongoro kuanzia tarehe 7-9 Novemba, 2021 kwa lengo la kuangalia mazingira ya vivutio vilivyoko katika hifadhi hiyo.
Dr. Fasi Khurram ambaye ameambatana na mshauri wake Junaid Ali na katibu mtendaji wa bodi ya filamu Tanzania (TFB) Dkt. Kiagho Kilonzo amesema taasisi yake ambayo huandaa tuzo za Oscar kila mwaka na kuhodhiwa na nchi tofautu tofauti amekuja Tanzania kwa lengo la kuangalia mazingira ya Tanzania kuhodhi tuzo hizo mwaka 2023.
Katibu mtendaji wa Bodi ya Filamu Tanzania Dkt. Kiagho Kilonzo ameeleza kuwa bodi hiyo ambayo husimamia na kuratibu shughuli za filamu nchini ikiwemo kutangaza vivutio vya utalii imeona itumie fursa hii adhimu kumpeleka Dkt. Fasi Khurram katika hifadhi ya Ngorongoro kujionea uzuri na upekee wa vivutio vya utalii vilivyoko katika Hifadhi hiyo.
Tuzo za ‘Oscar Signature awards’ hujumuisha wasanii mbalimbali duniani kutoka Hollywood, Bollywood, Nollywood, Arabwood, Tollywood, Latinwood na sehemu mbalimbali duaniani. Tuzo hizo huchukuliwa kama tuzo za heshima zaidi katika sekta ya filamu